Sam­bandið rann út í sandinn skömmu eftir Ástar­eyjuna

„Samie og Tom hafa því miður ákveðið að segja þetta gott. Það er mikil ást og virðing á milli þeirra en þetta var bara ekki stefna neitt,“ hefur The Sun eftir ónefndum heimildarmanni.

Samkvæmt þessum sama heimildarmanni er ástæðan fyrir sambandsslitunum helst sú að það var of mikil fjarlægð á milli þeirra. Auk þess hafi þau bæði viljað einbeita sér að eigin frama. Tom býr í Barnsley á meðan Samie býr í Essex en það tekur um þrjá og hálfan tíma að keyra þar á milli.

Tom hafði áður sagt að þau myndu ekki láta fjarlægðina leggja stein í götu sambandsins. „Ég hef farið til hennar í nokkra daga eða hún hefur komið til mín. Þetta hefur ekki verið bara í einn dag, við erum að láta þetta virka,“ sagði hann í samtali við The Sun fyrr í þessum mánuði.

Þá sagði hann einnig að þau ætli sér að flytja inn saman en að það taki tíma. „Ég held ef við gætum flutt inn saman á morgun þá myndum við gera það,“ sagði Tom.