ChatGPT bannað á Ítalíu

BBC greinir frá. Þar segir að Persónuvernd þar í landi hafi áhyggjur af því hvaða gögnum gervigreindin safnar frá notendum. Telur stofnunin að OpenAI hafi engan rétt á því að safna upplýsingum frá notendum til þess að þjálfa reiknirit sitt. 

Þá geti OpenAI á engan hátt staðfest að notendur séu orðnir átján ára líkt og skilmálar ChatGPT gera ráð fyrir. Ítalir eru þar með orðnir fyrsta vestræna þjóðin til þess að banna forritið. 

Fjallað hefur verið ýtarlega um OpenAI og ChatGPT hér á Vísi síðustu mánuði. Meðal annars það að íslenska máltæknifyrirtækið Máleind sé í samstarfi við OpenAI um þjálfun á nýju spjallvélmenni þeirra, GPT-4.