Lára hætt hjá Aztiq

Lára greinir sjálf frá þessu á Facebook en hún hefur verið samskiptastjóri Aztiq undanfarin tvö ár.

„Þetta hefur verið ákaflega lærdómsríkur tími, krefjandi, skemmtilegur og gefandi og ég hef verið afar heppin með samstarfsfólk. Nú mun starfið taka ákveðnum breytingum og sýn okkar er um margt ólík. Því var það niðurstaðan að ég myndi stíga frá borði,“ skrifar Lára sem kveðst ekki vita hvað taki næst við, þó hún sé viss um að það verði mjög spennandi og skemmtilegt.

Áður en Lára tók við starfi samskiptastjóra Astiq hafði hún starfað sem fréttamaður og dagskrárgerðarkona, lengst af hjá Ríkisútvarpinu.

Aztiq er að stórum hluta í eigu Róberts Wessman. Stærstu eignir Aztiq eru í lyfjafyrirtækjunum Alvogen og Alvotech.