Allt að tuttugu stiga frost

Gert er ráð fyrir norðaustanátt, 5-13 m/s. Lítilsháttar él á Norðaustur- og Austurlandi, en bjartviðri sunnan- og vestanlands. Víða léttskýjað á morgun, en allhvöss norðanátt og stöku él við austurströndina. Talsvert frost.

Á mánudag er útlit fyrir áframhaldandi norðlæga átt með éljagangi fyrir norðan og austan. Dregur aðeins úr frosti.

Veðurhorfur á landinu næstu daga

Á sunnudag:

Norðlæg átt 3-10, en 10-15 austast á landinu. Skýjað með köflum á Norður- og Austurlandi og líkur á stöku éljum, annars léttskýjað. Talsvert frost.



Á mánudag og þriðjudag:

Norðan og norðaustan 8-15 m/s og él, en þurrt og bjart sunnan- og suðvestanlands. Frost 3 til 13 stig.

Á miðvikudag:

Suðlæg eða breytileg átt og fer að snjóa, en að mestu þurrt austanlands. Áfram kalt í veðri.



Á fimmtudag:

Norðaustlæg átt og él á víð og dreif. Frost 0 til 10 stig.



Á föstudag:

Útlit fyrir suðaustanátt með snjókomu víða um land, en síðar slyddu eða rigningu sunnantil.