Af­lýsa ó­vissu­stigi vegna skjálfta­virkni úti fyrir Norður­landi

Þetta kemur fram í tilkynningu frá almannavarnadeild ríkislögreglustjóra, en óvissustigi var lýst yfir þann 9. september síðastliðinn. 

Í tilkynningunni segir að jarðskjálftahrina hafi hafist rétt austan við Grímsey 8. september síðastliðinn með stærsta skjálfta hrinunnar að stærð 4,9. 

„Sex skjálftar yfir 4,0 mældust á meðan hrinan gekk yfir en alls komu um 13.156 skjálftar inn í sjálfvirka jarðskjálftakerfi Veðurstofunnar. Stærstu skjálftarnir urðu í upphafi hrinunnar og svo fór stærðin minnkandi þar til hrinan dó út um helgina.

Þrátt fyrir að óvissustigi sé aflýst, þá má alltaf búast við jarðskjálftum á þessu svæði og er fólk áfram hvatt til þess að tryggja innanstokksmuni sem kunni að falla í jarðskjálftum.“