Stjörnurnar skiptu um föt og fóru beint í eftirpartý

Á hátíðinni sjálfri var ljós bleikur, rauður og grænn áberandi í klæðnaði en eftir hátíðina mátti einnig sjá meira af hvítum, silfur og svörtum kjólum í bland við hina áðurnefndu litina. 

Dakota Johnson og kjóllinn hennar gjörsamlega stálu senunni en hann er frá Gucci.

Jessica Chastain átti kvöldið en hún vann sem leikkona í aðalhlutverki og hefði hún líka geta hreppt einn fyrir kjóla kvöldsins. Eftir að hún kom af hátíðinni sjálfri skipti hún úr glitrandi fjólubláa ombré kjólnum yfir í þessa grænu dásemd frá Gucci.

Will Smith lét sig ekki vanta í eftirpartýið þrátt fyrir atvikið sem átti sér stað fyrr um kvöldið. Hann vann sinn fyrsta Óskar á hátíðinni og mætti með hann, eiginkonu sína Jada Pinkett Smith og öll börnin og klæddust hjónin Dolce & Gabbana.

Kim var ekki á hátíðinni sjálfri eins og Kourtney en hún lét það ekki stoppa sig í því að mæta blá og glæsileg í eftirpartýið í Balenciaga.

Kendall Jenner systir hennar var líka mætt og var búin að lýsa hárið fyrir sumarið og var einnig í Balenciaga.

Regé-Jean Page mætti glæsilegur í eftirpartýið og hefur eflaust heillað demanta hátíðarinnar eins og hann gerði í Bridgerton.

Fyrirsætan Elsa Hosk var í kjól frá MÔNOT og var eins og engill.

Kristen Stewarts sem var tilnefnd til Óskarsins í fyrsta skipti mætti í Chanel og var eins og prinsessa líkt og hún lék í Spencer.

Kourtney Kardashian, í Dolce & Gabbana og Travis Baker eða Kravis eins og þau eru kölluð voru heldur betur til í myndatöku hjá Vanity Fair.

Euphoria hópurinn kom sá og sigraði tískuleikinn í Vanity Fair partýinu og hér má sjá Sydney Sweeney glitra í kjól frá Miu Miu. Ef flett er áfram má sjá fleiri leikara úr þáttunum eins og Maude, Zendayu og Jacob Elordi. 

Fyrir neðan má sjá mynd af Maude Apatow, Angus Cloud og Barbie Ferreira og að lokum Zendayu.

Jessica Alba var dásemd í djúp bláum Carolina Herrera. Hún deildi því með fylgjendum sínum þegar hún var að undirbúa sig fyrir hátíðina.

Timothée Chalamet skellti sér í skyrtu eftir hátíðina og ákvað að það væri alltaf veður fyrir leður. 

Chrissy Teigen og John Legend gáfu sig öll í það að njóta kvöldsins og Chrissy gerði það án áfengis og sagðist hún aldrei hafa skemmt sér betur.

Vanessa Hudgens var glæsileg í svörtum Valentino kjól, fyrr um kvöldið var hún að taka viðtöl á rauða dreglinum.

Troy Kotsur vann sem besti aukaleikarinn í myndinni CODA og var flottur í Vanity fair teitinu klæddur Boss með nýja stofudjásnið.

Kate Hudson birti mynd úr veislunni sjálfri með syni sínum Ryder en hann er kærasti Iris Apatow úr þeirri listrænu fjölskyldu. Kate klæddist kjól frá Carolina Herrera. 

Zoe Kravitz skipti út ljósbleika kjólnum með slaufunni fyrir hvítan uppháann kjól með opnu baki frá Saint Laurent.

Vinirnir Mindy Kaling og B.J. Novak voru ekki klædd eins og þau væru á skrifstofunni og virtust njóta kvöldins vel saman og Mindy var í Dolce&Gabbana.

Rebel Wilson var glæsileg í silfurlituðum kjól frá Moschino. Hún tók ekki lagið með Bellunum en virtist skemmta sér vel.

Ariana DeBose dansaði um á rauða dreglinum í MÔNOT alsæl með sinn fyrsta Óskar fyrir hlutverkið sitt í West side story.

Alexandra Daddario klæddist kjól frá Carolina Herrera og paraði hann fullkomlega með dökkum varalit.

Hjónin Joe Jonas og Sophie Turnes tóku sér foreldrafrí og nutu kvöldsins saman en þau eiga von á sínu öðru barni saman. Sophie hefur mögulega fengið innblástur úr lagi the Jonas Brothers Burnin´ up og farið í „High heels, red dress“ beint frá Louis Vuitton.

Dwayne Wade mætti í grænum Gucci og eiginkona hans Gabrielle Union valdi glitrandi svartan kjól frá Valentono.

Riverdale stjarnan Camila Mendes var glæsileg í kjól frá Carolina Herrera.

Anya Taylor-Joy er ekki aðeins drottning skákborðsins heldur einnig rauða dregilsins í Dior.

Parið Michael B. Jordan og Lori Harvey's komu í fyrsta skipti saman á rauða dregilinn þar sem hann klæddist Tom Ford. 

Það voru engar óskýrar línur um það hversu ljómandi Emily Ratajkowski var í Giorgio Armani.