Handbolti

Kristján Örn skoraði þrjú er Aix fór áfram

Hjörtur Leó Guðjónsson skrifar
Kristján Örn og félagar eru á leið í átta liða úrslit.
Kristján Örn og félagar eru á leið í átta liða úrslit. PAUC

Kristján Örn Kristjánsson, landsliðsmaður í handbolta, skoraði þrjú mörk fyrir PAUC Aix er liðið vann góðan fjögurra marka sigur gegn Cesson Rennes-Metropole í 16-liða úrslitum frösnku bikrakeppninnar í kvöld, 25-21.

Kristján og félagar höfðu góða stjórn á leiknum í fyrri hálfleik og byggðu upp gott forskot. Þegar flautað var til hálfleiks voru þeir sex mörkum yfir, staðan 14-8.

Meira jafnræði var með liðunum í síðari hálflei og heimamenn í Cesson saxaði aðeins á forskot gestanna. Sigur Kristjáns og félaga var þó aldrei í hættu og liðið vann að lokum góðan fjögurra marka sigur, 25-21, og er á leiðinni í átta liða úrslit bikarsins.

Kristján skoraði sem áður segir þrjú mörk fyrir Aix, en það gerði hann í átta skotum.

Franski handboltinn

Mest lesið


Fleiri fréttir

Sjá meira


×

Mest lesið