Innlent

Þarf ekki lengur að vera með hreint saka­vott­orð

Eiður Þór Árnason skrifar
Svona líta stafrænu sakavottorðin út. 
Svona líta stafrænu sakavottorðin út.  Stjórnarráðið

Nú geta allir landsmenn sótt sér stafrænt sakavottorð. Áður var þessi þjónusta einungis í boði fyrir fólk sem þurfti að sækja einfalt eða hreint sakavottorð en nú er hægt að nota rafræn skilríki til að sækja stafrænt sakavottorð óháð stöðu í sakaskrá.

Greint er frá þessu á vef Stjórnarráðsins en vottorðið verður aðgengilegt í stafrænu pósthólfi einstaklinga á Mínum síðum á Ísland.is. Stafræn sakavottorð eru með sjálfvirkri enskri þýðingu og þarf því ekki að sækja slík vottorð sérstaklega. 

Einstaklingum mun áfram standa til boða að sækja sakavottorð gegn framvísun persónuskilríkja í afgreiðslu sýslumannsembættanna og sömuleiðis geta starfsmenn sýslumanna aðstoðað fólk við að nálgast stafræn sakavottorð.

Að sögn dómsmálaráðuneytisins hefur mikil aukning verið í útgáfu sakavottorða undanfarin ár. Árið 2021 voru 13.500 sakavottorð gefin út sem er 37% aukning milli ára.

Tækni Ríkisstjórn Katrínar Jakobsdóttur

Tengdar fréttir

Stafræn þróun: Ríkið mun spara tæplega tíu milljarða á ári

Á næstu þremur til fimm árum er áætlað að ríkið spari um 9,6 milljarða á ári í kjölfar innleiðingar á stafrænni þjónustu. Atvinnulífið mun upplifa margvíslegar breytingar á þessu ári í samskiptum sínum við hið opinbera. Í dag mun Atvinnulífið á Vísi fjalla um stafræna þróun á Íslandi miðað við stöðuna í dag.

Mest lesið


Fleiri fréttir

Sjá meira


×

Mest lesið