Bjarni segir hvorki þörf á skatta­hækkunum né niður­skurði á næstu árum

Bjarni segir að áfram væri gert ráð fyrir útgjöldum upp á fimmtíu milljaðra vegna kórónuveirufaraldursins á næsta ári. Þá verða útgjöld ríkissjóðs vegna hans kominn í 260 milljaðra frá frá árinu 2020.

„Við náðum árangri í þeim aðgerðum sem stefnt var að. Það skilar sér til allra landsmanna. Skilar sér beint til heimilanna í meira atvinnuöryggi og það verða ný störf til í hagkerfinu. Við sameiginlega berðum með minni skuldabyrði inn í framtíðina vegna þess að efnahagslífið er að taka við sér,“ segir Bjarni.

Það eigi við á flest öllum sviðum nema þá í ferðaþjónustunni. Þar eigi gistiþjónustan sérstaklega enn í erfiðleikum. Þess vegna verði innheimtu gistináttaskatts frestað á næsta ári og þar næsta.

„Við höfum getu til að viðhalda opinberri þjónustu án þess að hækka skatta. Án þess að fara í niðurskurð. Heldur ætlum að halda úti gæða opinberri þjónustu á næstu árum á grundvelli þess styrks sem við höfum í ríkisfjármálunum,“ segir Bjarni.

Það væri ásættanlegt að reka ríkissjóð með halla í nokkur ár í viðbót en að fimm árum liðnum verði skuldastaðan engu að síður heilbrigð og ríkissjóður þoli annað efnahagsáfall. Þetta sé vegna þess hve skuldastaða ríkissjóðs var góð þegar faraldurinn hófst.

„Við höfum getu til að koma með innspýtingu í heilbrigðismál. Við ætlum að standa með barnafjölskyldum. Það kemur viðbótarskattalækkun í gegnum persónuafsláttinn á næsta ári. Við stöndum með öryrkjum með sérstakri hækkun til þeirra og sömuleiðis bregðumst við strax við með breytingum á frítekjumarki ellilífeyrisþega vegna atvinnutekna,“ segir Bjarni.

En frítekjumarkið verður tvöfaldað úr 100 þúsund krónum á mánuði í 200 þúsund.

Bjarni leggur áherslu á að ríkissjóður og vinnumarkaður leggist á árar með Seðlabankanum í baráttunni við veðbólguna til að tryggja áframhaldandi aukinn kaupmátt atvinnutekna. Enda sé verið að bæta kjör almennings til muna með fjárlagafrumvarpinu.

„Og ég kalla já til aðila vinnumarkaðarins um að við tökum öll höndum saman um að gera það sem við getum til að halda aftur af verðbólgu og tryggja heimilum og fyrirtækjum í landinu hóflegt vaxtastig. Þannig að við getum haldið vextinum áfram,“ segir Bjarni Benediktsson.