Þrjú saman í sambandi

Í síðasta þætti kynnti Ingileif sér fólk sem lifir lífi sem kallast fjölást og er það ýmist í opnu sambandi eða í sambandi með nokkrum aðilum í einu.

Ingileif ræddi við þau Ósk Tryggvadóttur, Ingólf Val Þrastarson og Birtu Blanco en þau kynntust í gegnum vefsíðuna OnlyFans þar sem þau selja öll kynferðislegt myndefni. Þau eru í dag öll saman í ástarsambandi og búa saman.

„Það er eðlilegt að makar séu með sitthvort herbergið, að hafa sinn eigin griðastað er rosalega mikilvægt upp á andlega heilsu og til að geta haldið þessu sambandi góðu,“ segir Ósk þegar Ingileif leit við á heimili þeirra.

Hér að neðan má sjá brot úr síðasta þætti.