Skráði sig á spjöld sögunnar í enn eitt skiptið á 36 ára afmælinu

James var stigahæstur í liði LA Lakers þegar liðið vann öruggan sigur á San Antonio Spurs.

James gerði 26 stig auk þess að gefa átta stoðsendingar en hann varð með þessu fyrsti leikmaðurinn í sögu deildarinnar til að ná þeim merka áfanga að skora tíu stig eða meira í eitt þúsund deildarleikjum í röð.

LeBron hafði þegar hrifsað metið af Michael Jordan en hann náði mest að skora tíu stig eða meira í leik í 866 leikjum í röð á sínum glæsta ferli. Met sem hann eignaði sér af Kareem Abdul-Jabbar.

LeBron hefur verið einn allra besti leikmaður deildarinnar allt frá því hann hóf að leika með Cleveland Cavaliers árið 2003. Hann hefur leitt lið sitt til sigurs fjórum sinnum.