Bein út­sending: Um­hverfis­dagur at­vinnu­lífsins 2020

Umhverfisdagur atvinnulífsins, sem haldinn er árlega, er haldinn í dag en að honum standa Samtök atvinnulífsins, Samorka, Samtök ferðaþjónustunnar, Samtök fjármálafyrirtækja, Samtök fyrirtækja í sjávarútvegi, Samtök iðnaðarins og Samtök verslunar og þjónustu.

Í ár er viðburðinum eingöngu streymt rafrænt þar sem dagskrá hefst klukkan 8.30 og stendur til að verða 10.

Í tilkynningu frá SA segir að umhverfisverðlaun atvinnulífsins í ár verði veitt fyrirtækjum sem hafi staðið sig vel í umhverfismálum. Veitt verða tvenn verðlaun – annars vegar verðlaun fyrir umhverfisfyrirtæki ársins og hins vegar framtak ársins.

Hægt er að fylgjast með dagskránni í spilaranum að neðan.

Dagskrá

Fundarstjóri er Lovísa Árnadóttir, upplýsingafulltrúi Samorku

Ávörp flytja:

• Halldór Benjamín Þorbergsson, framkvæmdastjóri SA
• Kristín L. Árnadóttir, aðstoðarforstjóri LV
• Benedikt Gíslason, bankastjóri Arion
• Jónína G. Magnúsdóttir, framkvæmdastjóri Terra
• Ari Edwald, forstjóri MS

Umhverfisverðlaun atvinnulífsins 

Forseti Íslands afhendir viðurkenningu fyrir umhverfisframtak ársins og til umhverfisfyrirtækis ársins.