Stóra peningasumarið

Líklegt er að Newcastle verði eitt af leiktækjum þeirra ofurríku innan skamms. Sheikh Khaled bin Zayed er sagður við það að kaupa félagið og miðað við frænda sinn hjá Manchester City er búist við að Newcastle muni blanda sér í baráttuna um 100 milljón punda leikmenn.

Newcastle er þó aðeins eitt af þeim liðum sem mun veifa veskinu í sumar. Real Madrid mun endurnýja sína sveit, Bayern München sömuleiðis og þörf er á endurnýjun á Old Trafford.

Þá er Juventus í stjóraleit og nýr stjóri vill væntanlega fá sína sveina, Manchester City mun alltaf kaupa einhvern, það mun Liverpool gera líka og Barcelona ætlar að hreinsa smá af launareikningnum með því að fá að hreinsa örlítið til.

PSG verður væntanlega stórtækt, Tottenham mun ekki fara þriðja gluggann í röð án þess að kaupa nokkurn mann og reyna á að reisa AC Milan aftur til fyrri tíma. Eina sem er vitað er að Chelsea verður rólegt enda í félagaskiptabanni.

Það er því ekki skrýtið að búist sé við að umboðsmenn verði í yfirvinnu í allt sumar. Fyrir árið 2018 fengu umboðsmenn frá liðunum í ensku úrvalsdeildinni 211 milljónir punda sem gerir um 30 milljarða króna.

Heildargreiðslur frá öllum deildum Englands til umboðsmanna námu 257 milljónum punda það árið.