3 hlutir sem við vitum um brúðkaup Meghan og Harry

Eins og flestir vita eru Bretar nú á fullu að undirbúa sig fyrir næsta konunglega brúðkaup í Bretlandi. Leikkonan Meghan Markle og Harry Bretaprins ætla að ganga í það heilaga í vor og hafa þegar unnið hug og hjarta þjóðarinnar. 

Það er ekki búið að leka mikið út til fjölmiðla um smáatriðin við brúðkaupið sjálft en þetta vitum við um viðburðinn sem eflaust verður hápunktur „royalista“ út um allan heim. 

Brúðkaupið fer fram þann 19 maí næstakomandi í St George´s kapellunni í Windsor kastalnum. Þetta er sama kirkja og Harry sjálfur var skírður í og faðir hans, Karl Bretaprins, gekk að eiga Camillu eiginkonu sína þar árið 2005. 

Justin Welby, erkibiskupinn af Canterbury mun gefa parið saman. 

Konungsfjölskyldan borgar fyrir brúðkaupið en það má gera ráð fyrir að dagurinn verði undirlagður í London þar sem brúðhjónin hafa staðfest að þau muni keyra um borgina í hestvagni eins og hefðin segir til um. Þá getur almenningur safnast saman á götum borgarinnar og heiðrað brúðhjónin áður en þau halda til veislunnar ásamt fjölskyldu og vinum. 

Ekkert hefur verið gefið út með hver hannar brúðarkjól Meghan en Bretar vænta þess að hún velji breskan hönnuð. Svilkona hennar Katrín hertogaynja af Cambridge, valdi einmitt Söruh Burton hjá Alexander McQueen sem hannaði eftirminnilega guðdómlegan brúðarkjól á hana.