Strigaskórnir 2018 eru skítugir

Ritstjórn skrifar 20. janúar 2018 08:30

Strigaskórnir eru svo sannarlega komnir til að vera og hafa þeir verið mikið í tísku síðustu ár, bæði hjá körlum og konum. Það er ekki skrítið, enda erfitt að finna þægilegri skóbúnað.

Vinsælustu strigaskórnir um þessar mundir eru þessir stóru og litríku Triple S frá Balenciaga, en parið kostar í kringum 85.000 krónur. Hins vegar þarftu ekki að hafa áhyggjur af því að ganga þá til og gera þá að þínum, heldur koma þeir eins og skítugir og notaðir beint upp úr kassanum.

Strigaskórnir frá Louis Vuitton koma í búðir í febrúar, og verða á svipuðu verði og þeir frá Balenciaga. Það eru miklar líkur á að þetta verði einir vinsælustu skórnir í ár, en það er fagnaðarefni að þeir eru í það minnsta hreinir.

Önnur skómerki eins og Acne, Fila og Nike eru með svipaðar og mun ódýrari týpur til sölu, sem eru jafnvel skynsamari kostur. Því við vitum ekki hversu lengi þetta trend verður til staðar.