Deeney í ruglinu síðan hann sagði að það vantaði allan pung í lið Arsenal

Þann 14. október síðastliðinn var fyrirliði Watford, Troy Deeney, ansi brattur. Það var upp á honum typpið er Watford hafði komið til baka og unnið Arsenal, 2-1. Þá sagði hann að það vantaði allan pung í lið Arsenal.

Hann hefði líklega betur sleppt því þar sem karma virðist vera að bíta hann hraustlega í afturendann.

Síðan þá er búið að reka hann af velli, senda hann í langt leikbann, hann klúðraði einu besta færi ársins og hefur þess utan tapað sex af síðustu sjö leikjum sínum.

Það þarf því lítið að koma á óvart að stuðningsmenn Arsenal fara mikinn í að stríða honum á samfélagsmiðlum þessa dagana. Spyrja hvernig hann sé eiginlega í pungnum?

Things that've happened to Troy Deeney since telling @Arsenal they lacked cojones:

3 game retrospective ban.
Been sent off.
 Missed an open goal.
4 game ban.
Lost 6 of last 7 games he's played. pic.twitter.com/8biok9f9Na

— Dream Team (@dreamteamfc) December 19, 2017