Leikir Íslands spilaðir í Moskvu, Volgograd og Rostov-on-Don

Leikir Íslands á HM í Rússlandi verða spilaðir í Moskvu, Volgograd og Rostov-on-Don. Þetta varð ljóst eftir að Ísland var dregið úr pottinum í Moskvu rétt í þessu.

Ísland verður með D-riðli með Argentínu og Króatíu. Enn á eftir að draga fjórða liðið upp úr pottinum.

Fyrsti leikur Íslands á HM verður á móti Argentínu á Otkrytiye Arena í Moskvu 16. júní.

Annar leikurinn verður á móti Nígeríu og fer hann fram í Volgograd 22. júní.

Þriðji leikurinn verður á móti Króatíu 26. júní. Leikurinn fer fram í Rostov-on-Don.

Aðsetur íslenska liðsins verður í bænum Gelendzhik, 55 þúsund manna ferðamannabæ sem stendur við Svartahaf. Rostov og Volgograd eru þeir leikstaðir sem eru næstir Gelendzhik, ef frá er talinn Sochi.