Bjarni fundar fyrst með Sigurði Inga

Bjarni Benediktsson mun funda með Sigurði Inga Jóhannssyni í ráðherrabústaðnum við Reykjavíkurtjörn klukkan 17 í dag.

Þetta staðfestir Svanhildur Hólm Valsdóttir, aðstoðarmaður Bjarna Benediktssonar, við í samtali við vef Morgunblaðsins.

Forseti Íslands, Guðni Th. Jóhannesson, veitti Bjarna Benediktssyni, formanni Sjálfstæðisflokksins, stjórnarmyndunarumboðið á Bessastöðum fyrr í dag. Sagði Bjarni í kjölfarið að hann myndi ræða við formenn allra flokka í tengslum við stjórnarmyndunarviðræður en hefur ákveðið að byrja á formanni Framsóknarflokksins, Sigurði Inga, en þessir tveir flokkar voru í ríkisstjórnarsamstarfi á síðasta kjörtímabili.

Ekki hefur fengist staðfest hvort Bjarni muni hitta aðra formenn flokka í dag.