Trion Nemesis er 2.000 hestöfl

Lítt þekktur bílaframleiðandi, Trion Supercars, ætlar að setja þennan Trion Nemesis ofurbíl á markað í byrjun árs 2016 og hyggst smíða 50 eintök af honum. Hann verður ekki ódýr bíll og mun kosta 1 milljón dollara, eða um 120 milljónir króna.

Trion Nemesis er enginn venjulegur bíll heldur með 2.000 hestafla V8 vél með 9,0 lítra sprengirými og tvær forþjöppur. Allt þetta afl sendir vélin til allra hjóla bílsins gegnum 8 gíra sjálfskiptingu. Nemesis er 2,8 sekúndur að ná 100 kílómetra hraða og hámarkshraði bílsins er 435 km/klst.

Trion Supercars lætur byggja þessa Nemesis bíla hjá N2A Motors í Kaliforníu, en N2A er sérhæft fyrirtæki í yfirbyggingum bíla. Trion Nemisis á að etja kappi við ofurbíla eins og Bugatti Veyron og Koenigsegg Agera, en kosta minna.

Bæði yfirbygging og undirvagn Nemesis er úr koltrefjum og hann verðu með stillanlegri fjöðrun og veghæð. Ólíkt mörgum öðrum ofurbíl, er Nemesis með nægilega stórt skott til að rúma vænt golfsett.