Pétur aftur í úrvalsdeildina - tekur við liði Skallagríms

Óskar Ófeigur Jónsson skrifar 30. apríl 2014 19:30

Pétur Ingvarsson og Eðvar Ó. Traustason, gjaldkeri körfuknattleiksdeildar Skallagríms, handsala samninginn. Mynd/Heimasíða Skallagríms

Pétur Ingvarsson verður næsti þjálfari Skallagríms í Dominos-deild karla í körfubolta en þetta kemur fram á heimasíðu Skallagríms sem og það að Pétur hafi skrifað undir tveggja ára samning.

Pétur tekur við Skallagrímsliðinu af Pálma Þór Sævarssyni sem hætti með Borganesliðið eftir þetta tímabil þar sem Skallagrímur endaði í 10. sæti Dominos-deildar karla.

Pétur þjálfaði síðast lið Hauka tímabilið 2011-12 en hætti með liðið eftir aðeins fimm leiki. Hann var þá á sínu fjórða tímabili á Ásvöllum en hafði áður þjálfað Hamarsliðið frá 1998 til 2007.

„Við bindum vonir við Pétur enda býr hann yfir töluverðri reynslu og þekkingu á körfubolta sem hann hefur öðlast bæði sem leikmaður og þjálfari á farsælum ferli. Við bjóðum hann velkominn í Borgarnes," sagði Kristinn Ó. Sigmundsson formaður körfuknattleiksdeildar Skallagríms í viðtali við heimasíðuna.

Dominos-deild karla

Tengdar fréttir

Pálmi hættur með Skallagrím

Pálmi Þór Sævarsson, þjálfari karlaliðs Skallagríms í körfuknattleik undanfarin 3 og hálft ár, hefur að ósk stjórnar körfuknattleiksdeildarinnar látið af störfum.

10. desember 2013 23:19

Umfjöllun og viðtöl: Haukar - Skallagrímur 76-59 | Erfið og skrítin vika hjá Pálma

Haukar og Skallagrímur mættust í Dominos-deild karla í körfubolta. Gestirnir frá Borgarnesi eru í harðri fallbaráttu en hefðu getað farið að narta í hælana á þeim liðum sem eru í pakkanum fyrir ofan með því að taka sigur í kvöld.

13. desember 2013 21:45

Benjamin snýr aftur

Skallagrímur í Borgarnesi hefur náð samkomulagi við Benjamin Curtis Smith um að leika með liðinu það sem eftir lifir keppnistímabilsins í Dominos-deild karla í körfubolta.

28. desember 2013 11:30

Pálmi Þór hættir með Skallagrím

Pálmi Þór Sævarsson er hættur sem þjálfari Skallagríms en það var tilkynnt á heimasíðu félagsins í kvöld.

19. mars 2014 00:02

Páll Axel skoraði fimm þrista á fyrstu fimm mínútunum

Páll Axel Vilbergsson átti einu ótrúlegustu byrjun í manna minnum í úrvalsdeild karla á Íslandi þegar Skallagrímur heimsótti KFÍ á Ísafjörð í Dóminos-deild karla í körfubolta í kvöld en leikurinn stendur nú yfir og er hægt að fylgjast með honum hér á Vísi.

31. janúar 2014 19:33

Páll Axel og Smith sjóðheitir í Stykkishólmi

Páll Axel Vilbergsson og Benjamin Curtis Smith fóru á kostum í fjórtán stiga sigri Skallagríms á Snæfelli, 98-84, í Stykkishólmi í kvöld í 13. umferð Domnios-deildar karla í körfubolta.

16. janúar 2014 21:01

Skallagrímsmenn unnu Hauka og sendu KFÍ niður - Smith með 52 stig

Skallagrímsmenn gulltryggðu sæti sitt í Dominos-deild karla í körfubolta á næsta tímabili þegar þeir unnu níu stiga sigur á Haukum eftir framlengdan leik í Fjósinu í Borgarnesi í kvöld, 99-90. KFÍ á leik inn á morgun en eiga ekki lengur möguleika á því að koma sér upp úr fallsætinu.

13. mars 2014 21:12