Vissi ekki að PIP púðarnir væru svikin vara

Fjölskipaður héraðsdómur komst að þeirri niðurstöðu að vísa bæri frá öllum kröfum konu sem stefndi Jens Kjartanssyni lýtalækni. Kjarninn segir frá þessu í dag.

Málavextir voru þeir að Jens græddi í konuna brjóstapúða frá PIP árið 2002. Jens flutti sjálfur inn púðana og setti í um 400 konur á árunum 2000 til 2010. Eins og fram kom á Vísi ætluðu fjölmvargar kvennana að stefna Jens vegna þessa. Í  Kjarnanum segir að svo hafi þó farið að lokum að aðeins ein kona stefndi Jens.

Konan stefndi einnig tveimur dreifingaraðilum púðanna og Tryggingamiðstöðinni til réttargæslu.

Saga Ýrr Jónsdóttir er lögmaður stefnanda og Sigurður G. Guðjónsson er lögmaður stefnda, þau vildu hvougt nokkuð segja um málið þegar til þeirra var leitað í dag eftir svörum vegna málsins af þeirri ástæðu að um lokað þinghald hefði verið að ræða að ósk konunnar sem stefndi.

Kröfunni á hendur Jens var vísað frá dómi með vísan til laga um sjúkratryggina að því er fram kemur í frétt Kjarnans. Stefnanda og þar með lögmanni hennar hafi borið að halda uppi kröfum á hendur tryggingafélagi læknisins áður en hann var persónulega krafinn um bætur.

Eitlarnir fullur af sílikoni

Konan sem stefndi leitaði til læknis vegna óþæginda árið 2011 og var send í ómskoðun, við þá skoðun kom í ljós að púðarnir voru rofnir og sílikonið farið að leka. Konan fékk ofnæmisútbrot og öndunarerfiðleika og var send á sjúkrahús þar sem hún lá í fjóra daga og fékk lyf og stera til að nota í tvær vikur. Jens fjarlægði púðana í apríl 2011 en þá voru eitlar hennar orðnir bólgnir og fullir af sílikoni.

Í maí fór konan aftur í aðgerð til þess að fjarlægja úr henni sílikon og átta eitla fulla af sílikoni.

Konan missti úr vinnu og taldi sig  hafa orðið fyrir tjóni, bæði líkamlegu og andlegu auk fjárhagslegs tjóns vegna útlagðs kostnaðar og vinnutaps. Hún lagði þó engar matgerðir dómkvaddra sérfræðinga fram vegna þess fyrir dómi.

Treysti á CE-vottun

Jens og lögmaður hans bentu meðal annars á á að ekki hefði verið ástæða fyrir Jens að ætla annað en að púðarnir væru framleiddir í samræmi við vottunina CW-Communité Europe en púðarnir báru slíka vottunarmerki.

Jens hefði ekki vitað fyrr en árið 2010 að púðarnir væru svikin vara. Stjórnvöld hér á landi áttu að hafa eftirlit með innflutningi lækningatækja en þau hefðu haldið að sér höndum. Jens hætti að nota púðana árið 2010.

Meðal þess sem kemur fram í niðurstöðu dómsins er að ekki liggi fyrir hvenær framleiðandi PIP púðanna hafi hætt að nota sílkonefnið sem CE-vottun framleiðslunnar hafi verið reist á. Ekki liggi heldur fyrir óyggjandi upplýsingar m hvenær framleiðslunni hafi veirð breytt og hvort PIP-púðar með vottuðu sílikonefni leki mera en almennt geti talist.