Palmer býður Kate Upton út að borða

Hinn 83 ára gamli Arnold Palmer, einn besti kylfingur allra tíma, er með golfmótið sitt í gangi þessa dagana. Það verður mikið um að vera á Bay Hill í kringum mótið og Palmer gamli nýtur lífsins.

Hann ætlar meðal annars að borða kvöldmat með fyrirsætunni Kate Upton sem hefur verið á forsíðu sundfatatímarits Sports Illustrated tvö ár í röð.

Palmer átti þátt í að koma ferli Upton af stað. Hann spilaði reglulega golf með föður umboðsmanns Upton og kom stráknum í samband við mikið af góðu fólki.

Upton og Palmer ætla sér að ræða góðgerðarmálefni yfir matnum meðal annars. Palmer segist vera mjög spenntur fyrir kvöldverðinum.