Allt á einum stað

Guðmundur Sigurðsson ætti að vera Íslendingum vel kunnur eftir að hafa rekið fyrirtækið Vogabæ í 27 ár.

Vogabæ seldi hann í ársbyrjun 2008. Í framhaldinu keyptu hann og sonur hans Kerfi ehf. sem sérhæfir sig í sölu og þjónustu rekstrarvara til fyrirtækja. "Við seljum og leigjum kaffi- og vatnsvélar í öllum stærðum og gerðum og þjónustum þær með allt sem til þarf; vatnsbrúsa, kolsýruhylki, fjölbreytt úrval af kaffi og kaffibaunum auk þess að lagfæra vélarnar ef eitthvað kemur upp á," segir Guðmundur.

Bæði er mögulegt að kaupa vélar hjá Kerfi og leigja. Ef um leigu er að ræða er undirritaður þjónustusamningur þar sem upplýsingar um verð og innifalda þjónustu koma fram. "Þá er greitt ákveðið mánaðargjald sem felur í sér leigu á vél og nauðsynlega þjónustu við hana. Einnig er hægt að bæta í samninginn annarri þjónustu, svo sem kaupum á kaffi, glösum, pappír og fleiru.

Okkar meginmarkmið er að veita skjóta og góða þjónustu. Ef hringt er fyrir hádegi með erindi eða pöntun vegna vélar, þjónustum við hana samdægurs. Við erum að keppa við stóra aðila og teljum okkar veita betri þjónustu. Það er okkar aðalsmerki."

Kerfi ehf. leigir einnig út til skamms tíma sem er einkar hentugt fyrir einstaklinga sem eru að halda veislur eða viðburði og vantar kaffivélar eða annað til þess.

Það er tímafrekt að kaupa rekstrarvörur á mörgum stöðum fyrir fyrirtæki. Með því að eiga viðskipti við Kerfi ehf. leysist það á augabragði. "Við erum með allt sem þarf. Hvort sem það eru einnota glös, eldhúspappír, sápuskammtarar, mjólk, prentarapappír, kakóduft eða hvað sem er fyrir reksturinn, þá eigum við það til."

Á heimasíðu Kerfa ehf. er vefverslun með myndum og verði á öllum vörum. Með einum smelli er hægt að panta vörur sem svo eru sendar á áfangastað. Sjá nánari upplýsingar um Kerfi ehf. á kerfi.is.