Apple kynnir nýja vörulínu í september

Líklegt þykir að tæknirisinn Apple muni kynna nýja vörulínu í september. Þá er talið nýr iPhone snjallsími verði opinberaður, sem og minni útgáfa af iPad spjaldtölvunni.

Það er tæknifréttasíðan iMore sem greinir frá þessu. Þar kemur fram að fyrirtækið muni svipta hulunni af vörunum 12. september næstkomandi. Þær muni síðan fara í almenna sölu 21. september.

Mikið hefur verið rætt um nýja iPhone snjallsímann. Þá er talið að tengibraut hans verði mun minni en á fyrri útgáfum. Þannig munu nær öll aukatæki verða úrelt og hefur sú ákvörðun fengið misjöfn viðbrögð frá neytendum. Snertiskjár tækisins verður að öllum líkindum stærri og með mun hærri upplausn en á fyrri útgáfur.