Apple greiðir hluthöfum arð

Tæknirisinn Apple tilkynnti í dag að fyrirtækið muni greiða hluthöfum sínum ársfjórðungslegan arð í júlí. Einnig mun fyrirtækið endurkaupa hlutabréf í sjálfu sér fyrir tíu milljarða dollara á næsta ári.

Endurkaupin munu standa yfir í þrjú ár. Tilgangur þeirra er að vega upp á móti hlutafjárívilnunum.

„Við höfum notað töluvert magn af lausafé okkar til að fjárfesta í rekstri fyrirtækisins," sagði Tim Cook, forstjóri Apple. „Og við munum halda því áfram næstu árin."

Cook sagði einnig að Apple muni geyma hluta peninganna til betri tíma.

Arður hlutafjárhafa nemur 2.65 dollurum á hvert hlutabréf.

Apple hefur ekki greitt arð síðan árið 1995. Ári seinna tapaði Apple 816 milljónum dollara.

„Fyrir þá sem eiga hlutabréf í Apple er lítill arður betri en enginn arður," sagði Colin Gillis, greinandi hjá BCG Partners.