Komust ekki í sjóbirtingsveiði

„Vegna eldgoss í Eyjafjallajökli verða þeir sem eiga veiðileyfi eystra líklegast að sitja heima nema veiðidellan sé svo mikil að farin sé norðurleiðin," sagði á vef Stangaveiðifélags Reykjavíkur í gær. Þá voru einmitt hollaskipti í Tungufljóti í Skaftárhreppi.

„Þeir sem voru við veiðar voru komnir til síns heima, en þeir sem ætluðu sér austur í morgun komust hvergi. Því miður eru þeir sem staddir eru í Steinsmýrarvötnum ekki jafn heppnir, því þeir eru fastir fyrir austan. Eru þeir hinir sömu farnir að huga að því að keyra norðurleiðina til þess að komast til síns heima," sagði á svfr.is. - gar