Erlent

Putin reiðubúinn að vinna með nýjum forseta BNA

Óli Tynes skrifar
Vladimir Putin, forseti Rússlands.
Vladimir Putin, forseti Rússlands.

Vladimir Putin, forseti Rússlands, sagði á blaðamannafundi í dag að Rússar væru reiðubúnir að vinna með hverjum þeim sem yrði næsti forseti Bandaríkjanna.

"Við munum virða val bandarísku þjóðarinnar og erum reiðubúnir til samvinnu við þann forseta. Ef hann sjálfur vill það," sagði Putin.

Hann bætti því við að hvað sem frambjóðendurnir segðu í hita kosningabaráttunnar þá væri það grundvallaratriði að þjóðirnar tvær ættu góð samskipti.

Það hefur verið fremur grunnt á því góða milli Bandaríkjanna og Rússlands undanfarin misseri.

Erlent

Mest lesið


Fleiri fréttir

Sjá meira


×

Mest lesið