Milan: Adebayor eða enginn

Adriano Galliani, varaforseti AC Milan, segir að félagið sé aðeins á höttunum eftir Emmanuel Adebayor hvað sóknarmenn varðar. Ef ekki hann þá mun félagið ekki kaupa sóknarmann í sumar.

Arsenal hefur hins vegar engan áhuga á að selja Adebayor sem hefur einnig verið orðaður við Barcelona.

„Við eigum í engum viðræðum varðandi Samuel Eto'o eða Didier Drogba," sagði Galliano. „Ef við fáum ekki Adebayor verðum við eins og við erum."

„Við höfum aðeins fengið eitt svar frá Arsenal og það er að hann sé ekki til sölu," sagði Galliano en gaf til kynna að allt gæti enn gerst.