Hélt sjálfur framhjá meðan hann barði á Clinton

Newt Gingrich, fyrrverandi forseti neðri deildara bandaríkjaþings, hefur viðurkennt að hafa sjálfur haldið framhjá eiginkonu sinni, meðan hann stýrði sókninni gegn Bill Clinton, fyrir samband hans við Moniku Lewinsky. Hugsanlegt er að Gingrich verði frambjóðandi repúblikana í komandi forsetakosningum.

Þótt Gingrich viðurkenni framhjáhald sitt telur hann ólíku saman að jafna. Hann segir að þótt hann vildi ekki dæma Clinton persónulega, hefði honum sem einum af leiðtogum þjóðarinnar borið skylda til að halda uppi lögum og reglu, gangvart forseta sem hefði brotið af sér fyrir framan alríkisdómara.