Mauresmo vill lengja leiki kvenna í tennis

Amelie Mauresmo, stigahæsta tenniskona heims, telur að viðureignir kvenna á stórmótum í tennis eigi að geta farið upp í fimm sett ef þörf er á, rétt eins venja er í karlaflokki. Í kvennaflokki er það iðulega sá spilari sem fyrr vinnur tvær lotur sem fer með sigur af hólmi.

“Mér finnst að það ætti hiklaust að prófa það fyrirkomulag, allavega þegar komið er í undanúrslit og úrslit á stórmóti. Ég tel að viðureignirnar yrðu meira spennandi og trekktu að fleiri áhorfendur ef þær gætu orðið fimm lotur,” segir Mauresmo.