Viduka á leið til Liverpool

Enskir fjölmiðlar greina frá því í dag að Rafa Benitez, knattspyrnustjóri Liverpool, sé að undirbúa tilboð í Mark Viduka framherja Middlesbrough. Gareth Southgate, nýráðinn knattspyrnustjóri Middlesbrough, er sagður vilja losna við Viduka, en talið er að Liverpool get fengið leikmanninn fyrir aðeins 1.5 milljón punda.

Benitez er í leit að framherja þessa daganna eftir að Djibril Cisse meiddist og hafa nöfn á borð við Darren Bent og Craig Bellamy verið nefnd til sögunnar.