Cole hefur áður lent í Ronaldinho

Bakvörðurinn Ashley Cole segist búast við því að viðureign varnarmanna Arsenal við Ronaldinho hjá Barcelona muni draga fram það besta í þeim í leiknum í kvöld, en Cole hefur áður lent í vandræðum með brasilíska töframanninn.

"Ég hef sannarlega lent í honum áður," sagði Cole, sem mætti honum á HM árið 2002. "Ég féll fyrir einni af brellunum hans þegar við áttumst við á HM og hann var rétt búinn að setja mig á afturendann. Hann er sannarlega frábær leikmaður, en vonandi verður það til þess að hann nær líka fram því besta í okkur," sagði Cole.