Ólafur Örn skoraði sigurmark Brann

Ólafur Örn Bjarnason og Kristján Örn Sigurðsson voru lykilmenn í liði Brann í kvöld þegar liðið lagði Tromsö 2-1 í norsku úrvalsdeildinni í knattspyrnu. Ólafur Örn skoraði sigurmark Brann í kvöld og Kristján átti einni fínan leik í liði Brann.

Viking lagði Sandefjörd 1-0 þar sem hinn ungi Birkir Bjarnason spilaði 85. mínútur fyrir Viking. Árni Gautur Arason var að venju í marki meistara Valerenga sem lögðu Start 2-1 og þá var Veigar Páll Gunnarsson í liði Stabæk sem tapaði 2-1 fyrir Fredrikstad.