Komin í 16 manna úrslit

Lindsay Davenport, stigahæsta tenniskona heims, sigraði rússnesku stúlkuna Mariu Kirilenko í spennandi viðureign á opna ástralska meistaramótinu í Melbourne í gær. Sigurinn var ekki auðfenginn þar sem Davenport þurfti að glíma við ökklameðsli sem hrjáðu hana auk þess sem mikill hiti var á meðan á leik stóð. ,,Þetta var mjög erfiður leikur og veðrið hjálpaði ekki til. Sem betur fer dró ský fyrir sólu í seinasta settinu þannig að við gátum klárað leikinn án þess að missa meðvitund" sagði Davenport í léttum tón. Hún mætir Svetlönu Kustnetzovu í næstu umferð.