Mikið frost áfram

Veður Eins og þessi vel dúðaði stöðumælavörður ber með sér stóð Ísland undir nafni í gær eins og alla undanfarna viku. Mikið frost var um allt land og fóru tölur niður fyrir tíu gráður víða á Norðurlandi. Minnkandi vindur gerir þó tilveruna bærilegri en undanfarið og draga fer úr vindi á næstu dögum. Það bítur þó í kinnar landsmanna áfram því frost verður töluvert áfram í dag.

Stöðumælavörður 19 kann ágætlega við kuldann og minnir á að eina ráðið gegn kulda er að klæða sig vel en það er víst eitthvað sem Íslendingar ættu að vita eftir rúmlega ellefu hundruð ára dvöl í þessu landi elds og ísa.