Flensburg enn við toppinn

Lærisveinar Viggós Sigurðssonar unnu sinn sjöunda leik í deildinni í vetur er Flensburg vann fimm marka sigur á HSV Hamburg, 40-35. Liðið er nú í þriðja sæti deildarinnar þegar níu umferðum er lokið en örfá lið hafa leikið tíu leiki. Íslendingaliðið Gummersbach með Alfreð Gíslason í broddi fylkingar er í efsta sæti deildarinnar - er eina liðið sem hefur unnið átta leiki. Annað Íslendingalið, Lemgo, er í fjórða sæti.

Í hinum leik gærdagsins vann HSG Düsseldorf lið Eintracht Hildesheim, 34-27, en þar komu engir Íslendingar við sögu.