Sato þarf til sálfræðings

Heimsmeistarinn Michael Schumacher vandaði japanska ökuþórnum Takuma Sato ekki kveðjurnar eftir að sá síðastnefndi ók á hann í keppninni á Spa um helgina og sagði honum að hann þyrfti að fara til sálfræðings. "Ég veit ekki hverslags meðferð maðurinn þarf að fara, en ég held að hann ætti að láta líta á höfuðið á sér. Ég er ekki sáttur við þennan árekstur og þetta er ekki í fyrsta skipti sem ég lendi í svona bulli," sagði Schumacher reiður eftir kappaksturinn, því hann hugsaði sér gott til glóðarinnar í bleytunni, sem er hans sérsvið.