Houllier vill Baros, ekki Cisse

Gerard Houllier, knattspyrnustjóri Lyon í Frakklandi er sagður hafa gert 8,5 milljón punda tilboð í framherjann Milan Baros hjá Liverpool og hefur játað áhuga sinn á að fá leikmanninn til liðs við frönsku meistarana. Lyon er sagt hafa gert 8,5 milljón punda tilboð í Baros og hafa með því slegið tilboð Aston Villa upp á 6,5 milljónir út af borðinu. Sögusagnir voru uppi um að Houllier væri á höttunum eftir Gibril Cisse, sem hann keypti sjálfur til Liverpool á sínum tíma, en stjórinn hefur blásið á þær fregnir.