Óvænt úrslit á Ítalíu

Óvænt úrslit urðu í ítalska boltanum í gærkvöld. AC Milan og Brescia skildu jöfn, 1-1. Rui Costa kom Milan yfir en Pierre Wome jafnaði metin fyrir Brescia fimm mínútum fyrir leikslok. Fiorentina og Juventus gerðu jafntefli, 3-3. Alessandro Del Piero skoraði tvö mörk fyrir Juventus og Zlatan Ibrahimovic eitt. Þá vann Internationale góðan útisigur á Bologna, 1-0. Julio Cruz skoraði sigurmarkið. AC Milan og Juventus eru efst og jöfn með 67 stig en Inter er í 3. sæti með 53 stig.