Konuleysi undirbúningsnefndar

Það brýtur í bága við nýsamþykkta framkvæmdaáætlun í jafnréttismálum að engin kona eigi sæti í undirbúningsnefnd fyrir þjóðaratkvæðagreiðslu um fjölmiðlalögin. Þetta kemur fram í ályktun Femínistafélags Íslands sem send var út í morgun og tekur félagið þar með undir ályktun Kvenréttindafélags Íslands.  Í ályktuninni segir jafnframt að þetta sé ekki til marks um að jafnréttismál séu ofarlega á baugi hjá ráðamönnum þjóðarinnar og skorar Femínistafélagið á stjórnvöld landsins að bæta úr þessu hið snarasta.