Erlent

Segir 55 þúsund her­menn fallna en margra sé saknað

Að minnsta kosti 55 þúsund úkraínskir hermenn hafa fallið í átökum við Rússa, samkvæmt Vólódímír Selenskí, forseta Úkraínu. Átökin hafa staðið yfir í tæp fjögur ár en Selenskí segir að margra til viðbótar sé saknað. Fjöldi fallinna hermanna er líklegal mun hærri, eins og forsetinn viðurkenndi sjálfur.

Erlent

Vara við upp­gangi Íslamska ríkisins

Sameinuðu þjóðirnar segja Íslamska ríkið vera í töluverðum vexti í Afríku, Mið-Austurlöndum og víðar í heiminum. Margar deildir hryðjuverkasamtakanna hafa aukið umsvif sín og fjölgað árásum. Á fundi Sameinuðu þjóðanna um baráttu gegn hryðjuverkastarfsemi sem haldin var í gær, sagði Alexandre Zouev, einn yfirmanna gagn-hryðjuverkaskrifstofu Sameinuðu þjóðanna, að ógnin frá Íslamska ríkinu hefði aukist jafnt og þétt.

Erlent

Demó­kratar unnu orrustu í kjördæmastríðinu

Dómarar Hæstaréttar Bandaríkjanna neituðu í gær að taka fyrir mál sem Repúblikanar og ríkisstjórn Donalds Trump hafa höfðað gegn Kaliforníu. Málið snýr að breytingum sem gerðar hafa verið á kjördæmum þar fyrir þingkosningarnar í nóvember en Repúblikanar vildu fá breytingarnar felldar niður, þar sem þær munu líklega koma niður á þingmannafjölda þeirra.

Erlent

Sendi Trump tóninn vegna Taí­van

Xi Jinping og Donald Trump, forsetar Kína og Bandaríkjanna, áttu langt símtal í gær þar sem þeir eru sagðir hafa rætt hin ýmsu málefni sem snúa að samskiptum ríkjanna. Meðal annars ræddu þeir stöðuna í Íran og í Úkraínu og væntanlega heimsókn Trumps til Kína í vor en forsetarnir virðast ósammála um helsta málefni viðræðnanna og tón þeirra.

Erlent

Brast í grát fyrir dómi: „Ég er þekktur fyrir að vera sonur mömmu“

Marius Borg Høiby, sonur norsku krónprinsessunnar Mette-Marit, sagðist fyrir rétti í Osló í gær ekki muna eftir að hafa tekið myndir og myndbönd sem eru meðal gagna málsins gegn honum. Myndefnið fannst í síma Høiby sjálfs, og tengist meintu broti hans gegn konu morguninn eftir partý í Skaugum árið 2018. Høiby brast í grát í dómsal í gær og kvartaði sáran yfir veru fjölmiðla í salnum og umfjöllunar þeirra um hans mál. Það hafi reynst honum erfitt að vera þekktur fyrir að vera sonur móður sinnar.

Erlent

Star­mer gagn­rýndur af sam­flokksmönnum sínum

Þrýstingur eykst nú á Keir Starmer forsætisráðherra Breta en lægra settir þingmenn í Verkamannaflokki hans eru sagðir afar ósáttir við hvernig foringi þeirra tók á máli Peters Mandelsons fyrrverandi ráðherra og sendiherra Breta í Bandaríkjunum sem nú hefur verið rekinn úr flokknum.

Erlent

Segist sjá eftir hverri mínútu með Epstein

Bandaríski auðjöfurinn og mannvinurinn Bill Gates segist sjá eftir hverri mínútu sem hann varði með auðjöfrinum og barnaníðingnum Jeffrey Epstein. Hann segir kolrangt að hann hafi notað Epstein til að hafa mök við konur og hafi smitast af kynsjúkdómi. Það sé þvæla og Gates segist ekki vita hvað Epstein gekk til með því að skrifa það niður í tölvupósta sem hann sendi aldrei út.

Erlent

Skammaði fréttakonu fyrir að brosa ekki

Donald Trump, forseti Bandaríkjanna, skammaði fréttakonu fyrir að brosa ekki nóg og kallaði hann „hinn versta fréttamann“ eftir að hún spurði hann út í Epstein-skjölin. Á blaðamannafundi í skrifstofu forsetans í gær sagði hann, áður en hann hellti sér yfir Kaitlan Collins frá CNN, að þjóðin þyrfti að snúa sér að öðru en Epstein-skjölunum.

Erlent

Fyrstur til að rjúfa 800 milljarða dala múrinn

Elon Musk, auðugasti maður heims, varð á dögunum fyrsti maðurinn til að vera metinn á meira en átta hundruð milljarða dala. Er það í kjölfar þess að fyrirtækin SpaceX og xAI voru sameinuð en hann er stærsti eigandi fyrirtækjanna sem eru nú saman metin á 1,25 billjón dala (um 154 billjónir króna).

Erlent

Einungis einn her­foringi eftir í mið­stjórn kín­verska hersins

Xi Jinping, forseti Kína, hefur staðið fyrir miklum hreinsunum innan hersins. Margir háttsettir herforingjar hafa verið sviptir embættum og sakaðir um ýmis brot. Xi skipaði þá flesta sjálfur í stöður þeirra en síðan þá hafa þeir verið settir til hliðar og rannsakaðir fyrir hin ýmsu brot eins og spillingu.

Erlent

Lög­regla hefur rann­sókn á sam­skiptum Mandelson og Epstein

Lögregluyfirvöld á Bretlandseyjum hafa hafið rannsókn á framgöngu stjórnmálamannsins Peter Mandelson, sem er grunaður um að hafa lekið opinberum gögnum og viðkvæmum upplýsingum til athafna- og kynferðisbrotamannsins Jeffrey Epstein. Mandelson, þá viðskiptamálaráðherra, er meðal annars grunaður um að hafa lekið upplýsingum um samtöl ráðamanna í kjölfar efnahagshrunsins árið 2008.

Erlent

Segir Bill og aðra þurfa að svara fyrir tengsl sín við Epstein

„Persónulega, þá er það erfitt fyrir mig þegar þessi smáatriði koma í ljós, skilurðu? Því þá vakna minningar um afar erfiða tíma í hjónabandinu mínu,“ sagði Melinda French Gates, fyrrverandi eiginkona Bill Gates, þegar hún var spurð út í tölvupósta sem hafa vakið athygli í Epstein-skjölunum.

Erlent

Játaði nokkrum á­kæru­liðum en neitaði nauðgununum

Marius Borg Høiby, sonur norsku krónprinsessunnar Mette-Marit, játaði fyrir dómi í gær að hafa rofið skilorð, að hafa brotið gegn fíkniefnalöggjöfinni og ýmis umferðarbrot. Hann neitaði hins vegar sök í fjórum ákæruliðum er vörðuðu nauðgun, brot í nánu sambandi og að hafa myndað kynfæri kvenna án vitundar þeirra.

Erlent

Íranar reyndu að stöðva danskt olíu­flutninga­skip

Íranskir sjóliðar um borð í sex vélbyssubúnum hraðbátum reyndu í morgun að stöðva danskt olíuflutningskip, sem siglt er undir bandarískum fána, á Hormuz-sundi í Persaflóa. Stjórnendur skipsins juku hraða þess og komust þannig undan þegar írönsku sjóliðarnir skipuðu þeim að stöðva skipið. Seinna í dag var olíuflutningaskipinu svo fylgt eftir af bandarísku herskipi.

Erlent

Segir að Repúblikanar eigi að „þjóð­nýta“ næstu kosningar

Tulsi Gabbard, yfirmaður leyniþjónusta Bandaríkjanna, sagði þingmönnum í gær að hún hafi verið viðstödd húsleit útsendara Alríkislögreglu Bandaríkjanna (FBI) í húsnæði kjörstjórnar í Fulton-sýslu í Georgíu, af því Donald Trump hafi beðið hana um að vera þar. Þá viðurkennir hún að hafa gert Trump kleift að ræða við starfsmenn FBI sem framkvæmdu húsleitina en segir að hvorki hún né Trump hafi gefið þeim skipanir.

Erlent

Tunglskotinu frestað til mars vegna leka

Forsvarsmenn Geimvísindastofnunar Bandaríkjanna (NASA) hafa ákveðið að fresta því að senda geimfara til tunglsins þangað til í mars. Til stóð að skjóta fjórum geimförum af stað til tunglsins um næstu helgi en eldsneytislekar fundust í gær á Space Launch System (SLS) eldflauginni sem á að koma geimförunum í leiðangrinum Artemis 2 af stað.

Erlent

Hús­leit hjá X í Frakk­landi vegna barnaníðs­mynda

Franskir saksóknarar gerðu húsleit á skrifstofum samfélagsmiðilsins X í París í dag í tengslum við rannsókn á dreifingu barnaníðs og falsaðra kynferðislegra mynda á miðlinum. Þeir hafa einnig óskað eftir að taka skýrslu af Elon Musk, eiganda X, og forstjóra fyrirtækisins.

Erlent

Fórnar­lömb vilja láta loka á Epstein-skjölin

Lögmenn nærri því hundrað fórnarlamba Jeffreys Epstein munu á morgun reyna að sannfæra alríkisdómara um að skipa ríkisstjórn Bandaríkjanna að loka netsvæði þar sem Epstein-skjölin svokölluðu eru aðgengileg. Fórnarlömbin segja að nöfn þeirra hafi verið opinberuð í skjölunum og að það hafi snúið lífi þeirra á hvolf.

Erlent

Á­kærður í 38 liðum og löng bið­röð fyrir utan réttinn í Osló

Í dag hefjast réttarhöld í Noregi yfir Mariusi Borg Høiby, syni norsku krónprinsessunnar Mette Marit, en hann sætir ákæru 38 liðum fyrir ýmis brot, meðal annars nauðgun og önnur ofbeldisbrot. Hann neitar sök vegna alvarlegustu ákæruliðanna. Löng biðröð myndaðist fyrir utan héraðsdóminn í Osló í morgun þar sem réttarhöld fara fram en bæði norskir og erlendir fjölmiðlar hafa sýnt málinu mikinn áhuga.

Erlent

Rússar gera á­rásir á orkuinnviði í Úkraínu

Rússar gerðu árásir á orkuinnviði og íbúðarhúsnæði í Úkraínu í nótt. Fjórir særðust í árásunum, bæði í Kænugarði og Kharkív. Að sögn vitna mátti heyra háværar sprengingar og þá kviknuðu eldar. Skemmdir urðu á innviðum á fimm svæðum, meðal annars á byggingu þar sem rekinn er leikskóli. 

Erlent

Mest lesið