Daði Berg mættur aftur heim í ÍR

Daði lék 91 leik fyrir meistaraflokk ÍR og var stór hluti liðsins sem fór alla leið í úrslitaeinvígið um Íslandsmeistaratitilinn árið 2019 þegar liðið tapaði fyrir KR.

„Metnaðurinn, drifkrafturinn og keppnisskapið sem einkenndu Daða sem leikmann hafa fylgt honum áfram inn í þjálfunina. Undanfarin ár hefur hann starfað hjá Hamri, bæði sem aðstoðarþjálfari og aðalþjálfari, og snýr nú aftur í Skógarselið með dýrmæta reynslu í farteskinu,“ segir í tilkynningu frá ÍR.

Daði kemur inn í þjálfarateymi meistaraflokks karla sem aðstoðarþjálfari Borche Ilievski og tekur jafnframt við styrktarþjálfun meistaraflokksins.