Enski boltinn

Sjáðu hvernig Hull og Brentford fóru með United og Spurs og öll mörkin úr enska

Ingvi Þór Sæmundsson skrifar
Nobel Mendy fagnar eftir að hafa komið Hull City í 2-0 gegn Manchester United.
Nobel Mendy fagnar eftir að hafa komið Hull City í 2-0 gegn Manchester United. getty/George Wood

Gærdagurinn var góður fyrir nýliðana í ensku úrvalsdeildinni. Hull City vann sinn fyrsta deildarsigur á Manchester United í 52 ár og Ipswich Town sigraði spútniklið síðasta tímabils, Sunderland. Þá fékk Tottenham á baukinn gegn Brentford.

Flestir spá því að Hull muni eiga erfitt uppdráttar í vetur. En nýliðarnir sýndu hvað í þá er spunnið þegar þeir unnu United, 2-0. 

Bæði mörkin komu í fyrri hálfleik. Semi Ajayi skoraði það fyrra eftir hornspyrnu og Nobel Mendy það síðara eftir aukaspyrnu.

Klippa: Hull - Man. Utd 2-0

Jack Clarke tryggði Ipswich 2-1 sigur á Sunderland með marki á lokamínútunni. Emersonn kom heimamönnum yfir en Nilson Angulo jafnaði með glæsilegu marki beint úr aukaspyrnu.

Klippa: Ipswich - Sunderland 2-1

Anton Stach skoraði einnig beint úr aukaspyrnu þegar hann skoraði eina mark leiksins þegar Leeds United sótti Nottingham Forest heim. Markið kom þegar tvær mínútur voru til leiksloka.

Klippa: Nottingham Forest - Leeds 0-1

Everton vann 2-0 sigur á Crystal Palace. Kiernan Dewsbury-Hall og Thierno Barry skoruðu mörkin.

Klippa: Everton - Crystal Palace 2-0

Í lokaleik dagsins vann Brentford svo öruggan sigur á Tottenham, 3-0. Keane Lewis-Potter, Vitaly Janelt og Michael Kayode skoruðu mörk Býflugnanna.

Klippa: Brentford - Tottenham 3-0

Mörkin úr leikjum gærdagsins má sjá hér fyrir ofan.

Enski boltinn Hull City AFC Manchester United Ipswich Town FC Sunderland AFC Nottingham Forest Leeds United Everton FC Crystal Palace FC Brentford FC Tottenham Hotspur

Tengdar fréttir

Brentford tók Tottenham í karphúsið

Tottenham sá aldrei til sólar þegar liðið sótti Brentford heim í lokaleik dagsins í ensku úrvalsdeildinni. Brentford vann 3-0 sigur.

Góð byrjun hjá strákunum hans Moyes

Everton fer vel af stað í ensku úrvalsdeildinni á þessu tímabili en liðið vann 2-0 sigur á Crystal Palace á heimavelli í 1. umferðinni í dag.

Glæsimark kom ekki í veg fyrir nýliðasigur

Nýliðar Ipswich Town fögnuðu 2-1 sigri gegn Sunderland í fyrstu umferð ensku úrvalsdeildarinnar. Sunderland skoraði glæsilegt jöfnunarmark en Jack Clarke tryggði Ipswich stigin þrjú á lokamínútunni.

Mest lesið


Fleiri fréttir

Sjá meira


×

Mest lesið