Haf­rún skoraði í öruggum sigri

Brøndby hafði yfirhöndina í leiknum og náði þriggja marka forskoti áður en flautað var til leiksloka. Hafrún Rakel kom heldur betur við sögu fyrir Brøndby og skoraði hún annað mark leiksins á 55. mínútu.

Sigurinn er kærkominn fyrir Brøndby sem hafði gert jafntefli í fyrstu tveimur deildarleikjum sínum á tímabilinu. Liðið er því enn taplaust eftir þrjár umferðir, með einn sigur og tvö jafntefli.

Hafrún Rakel hefur átt viðburðaríka daga með Brøndby. Hún kom einnig við sögu í Evrópukeppni í síðustu viku þegar hún tryggði liðinu sæti í Evrópubikarnum með marki í vítaspyrnukeppni gegn Slavia Prag en Hafrún tók síðustu spyrnuna.