Evrópuþjóðirnar muni snið­ganga HM

Greint var frá áætlunum Gianni Infantino forseta FIFA um utanaðkomandi fjárfestingu í fyrradag.

Þar kom fram að knattspyrnusamböndum hefðu verið boðið háar fjárhæðir, 40 milljónir dollara, fyrir að samþykkja breytinguna og hleypa utanaðkomandi fjárfestum að fjársjóðum FIFA. Þeir sem myndu kjósa á móti breytingunum myndu ekki njóta góðs af nýfengnu fénu.

Evrópska knattspyrnusambandið UEFA brást harkalega við í gær með harðorðri yfirlýsingu þar sem sagt var að „sál fótboltans“ væri ekki til sölu og boðaði öll knattspyrnusambönd Evrópu á neyðarfund í dag.

Á fundinum nú síðdegis var ákveðið að sniðganga HM og allar keppnir FIFA ef áætlanir Infantino ganga eftir.

Sky Sports, BBC, The Times og fleiri erlendir miðlar greindu frá tíðindunum og UEFA hefur nú sent frá sér yfirlýsingu til staðfestingar.

Evrópskar þjóðir munu sniðganga allar keppnir, karla og kvenna, á vegum FIFA en þar bera heimsmeistaramótin auðvitað hæst. 

Fyrst myndi reyna á sniðgönguna þegar undankeppni HM kvenna 2027 hefst í október.

Fulltrúar úr stjórn Knattspyrnusambands Íslands sátu neyðarfundinn síðdegis. Stjórn KSÍ mun koma saman í fyrramálið og fjölmiðlum verða veitt viðtöl í kjölfarið, að sögn Ómars Smárasonar samskiptafulltrúa KSÍ.