Elegans í hæstu hæðum í fimm­tugs­af­mæli ársins

Rithöfundar, listamenn, breskar stórstjörnur, stjórnmálafólk og aðrir lífskúnstnerar komu þar saman til að fagna Ragnari og næntís stjarnan Chesney Hawkes tróð upp. Góðir vinir fluttu fallegar ræður og gestir stigu trylltan dans þegar plötusnúður spilaði eitís lög fram á nótt. 

Ragnar, sem hefur skrifað fjölda vinsælla bóka, er mikill afmælismaður, heldur upp á tímamótin á ári hverju en fór alla leið í ár og hefur verið að skipuleggja þetta í um tvö ár. 

Meðal gesta voru fyrrum ráðherrann Áslaug Arna Sigurbjörnsdóttir, glæpasagnadrottningin Yrsa Sigurðardóttir, píanósnillingurinn Víkingur Heiðar Ólafsson, listamaðurinn Daniel Lismore, athafnakonan Heiða Magnúsdóttir og leikararnir Katherine McNamara og Will Tudor úr bresku þáttunum Shadowhunters. 

Soho Farmhouse er hluti af Soho House keðjunni sem er meðlimaklúbbur fyrir lista-og athafnafólk úr ýmsum áttum og margar af stærstu stjörnum heims eru þar meðlimir. Hótelið er staðsett í Oxford-héraði í Englandi og er einkar glæsilegt sveitahótel. 

Hér má sjá vel valdar myndir úr teitinu: