Trump segir sam­komu­lag hafa náðst við Íran

„Samkomulagið við Íslamska lýðveldið Íran er nú frágengið,“ skrifaði Trump á samfélagsmiðlinumTruth Social.

„Ég heimila hér með að fullu opnun Hormússunds án tollgjalda og heimila um leið og samstundis að herkví Bandaríkjanna verði aflétt,“ segir hann.

„Skip heimsins, ræsið vélarnar. Látið olíuna flæða!“

Nái einnig til Líbanon

„Báðir aðilar hafa lýst yfir tafarlausri og varanlegri stöðvun hernaðaraðgerða á öllum vígstöðvum, þar á meðal í Líbanon,“ segir Shehbaz Sharif í færslu á X, áður Twitter.

„Nú þegar samkomulagið er í höfn munu sáttasemjarar greiða fyrir röð funda í þessari viku. Þessar innleiðingarviðræður munu leggja grunninn að tæknilegum viðræðum og opinberu undirritunarathöfninni.“

Írönsk stjórnvöld hafa enn ekki tjáð sig um samkomulagið en greint var frá því í útsendingu ríkissjónvarpsins. Í yfirlýsingu sem flutt var þar er fullyrt að Bandaríkin hafi verið „neydd til þess að skrifa undir samning“ sem endi stríðið við Íran. Þetta segir 

Ghoncheh Habibiazad, fréttamaður BBC Persian, í færslu á X. 

Ríkismiðilinn lýsi niðurstöðunni sem sigri fyrir stjórnvöld í Tehran.

Fréttin er í vinnslu.