Dag­skráin í dag: Síðasti leikur Frakka fyrir HM

Frakkar töpuðu óvænt 2-1 fyrir Fílabeinsströndinni á fimmtudaginn var en spila nú annan leik í heimalandinu, við Norður-Írland. Um er að ræða síðasta æfingaleik liðsins fyrir komandi heimsmeistaramót og mun liðið halda vestur um haf að leiknum loknum.

Frakkar eru með einn sterkasta leikmannahóp heims og miklar kröfur gerðar til þeirra, að venju, fyrir komandi mót þar sem liðið er í riðli með Senegal, Írak og Noregi.

Leikur kvöldsins hefst klukkan 19:00 og verður sýndur beint á Sýn Sport Viaplay.