Stefán missti af umspilinu með grátlegum hætti

Stefán Teitur átti heiðurinn að þriðja marki leiksins, þó það hafi verið skráð sem sjálfsmark. Á þeim tímapunkti leit út fyrir að Hannover myndi vinna leikinn 3-2, tryggja sér þriðja sætið og fara í umspil.

Nurnberg náði hins vegar að jafna 3-3 á lokamínútunum, með marki upp úr aukaspyrnu, og eyðileggja fyrir Hannover.

Paderborn náði að vinna sinn leik gegn Darmstadt og tók þriðja sætið af Hannover.

Valgeir fallinn en Brynjar fer í umspilið

Valgeir Lunddal var í byrjunarliði Fortuna Dusseldorf í 3-0 tapi gegn Greuther Furth, liði Brynjars Inga Bjarnasonar sem var á varamannabekknum.

Þetta stóra tap gerir það að verkum að Fortuna Dusseldorf hafnar í 18. sæti deildarinnar á markatölu og fellur.

Greuther Furth hafnaði hins vegar í 17. sæti á markatölu og fær annan séns til að halda sér í deildinni, í umspili gegn liðinu sem endaði í þriðja sæti C-deildar.