Glódís fékk góða hvíld fyrir hátíðarmóttökuna í ráð­húsinu

Bayern er fyrir löngu búið að tryggja sér þýska meistaratitilinn og varð tvöfaldur meistari um síðustu helgi með sigri gegn Wolfsburg í bikarúrslitaleiknum.

Mikið hefur mætt á fyrirliðanum, Glódísi Perlu, síðustu vikur og hún var því á varamannabekknum í lokaumferðinni í dag.

Á morgun verður tekið á móti liði Bayern með hátíðlegri athöfn í ráðhúsi Munchen.

Vanalega hafa karla- og kvennalið Bayern fagnað titlum sínum saman á Maríutorgi í Munchen, en karlaliðið stóð þar eitt í dag því kvennaliðið átti leik gegn Hamburg.

Þess í stað bíður borgarstjóri Munchen spenntur eftir því að heiðra Glódísi Perlu og liðsfélaga hennar í ráðhúsinu á morgun.

Vonandi fyrir kvennalið Bayern verða þær ekki fyrir barðinu á hrekkjalómum nágrannaliðsins 1860 Munchen, eins og karlaliðið lenti í í dag.